प्रेम सम्बन्ध बिग्रिएपछि पर्ने जबर्जस्तीकरणी मुद्दामा अदालत संवेदनशील हुनुपर्छ : बार अध्यक्ष

काठमाडौं । नेपाल बार एशोसिएशनका अध्यक्ष डा. विजयप्रसाद मिश्रले प्रेम सम्बन्धमा धोका भएपछि जबर्जस्तीकरणीको जाहेरी पर्ने र त्यसपछि लामो कैद सजाय हुने अवस्थाप्रति प्रश्न उठाएका छन्।

शनिबार उच्च अदालत बार एशोसिएशन पाटनको २५ औँ वार्षिक साधारणसभा तथा पदभार हस्तान्तरण कार्यक्रममा बोल्दै मिश्रले जबर्जस्तीकरणीसम्बन्धी मुद्दामा कानुनको प्रयोग संवेदनशील र विवेकपूर्ण ढंगले हुनुपर्ने बताए।