आजपाद्वारा शिक्षा, स्वास्थ्य र बिजुलीमा लगाएको कर हटाउन माग

पोखरा । आम जनता पार्टी (आजपा)ले शिक्षा, स्वास्थ्य तथा बिजुलीमा सरकारले लगाएको कर हटाउन माग गरेको छ । आजपा कास्की जिल्ला कमिटीको आज पोखरामा बसेको जिल्ला कमिटीको बैठकले सरकारले शिक्षा, स्वास्थ्य तथा बिजुलीमा लगाएको कर हटाउन माग गरेको हो ।

आजपा कास्कीका जिल्ला अध्यक्ष मनु गुरुङले संविधानले मौलिक अधिकार सरकारले उपलब्ध गराउनुपर्ने शिक्षा, स्वास्थ्य जस्ता अतिआवश्यक क्षेत्रमा कर लगाउनु ठिक नभएको बताइन् ।