‘मिस नेपाल नर्थ अमेरिका २०२६’ का उत्कृष्ट २० प्रतिस्पर्धी घोषणा

वासिङ्टन डीसी । ड्रीम्स युनिभर्सल एलएलसीले ‘मिस नेपाल नर्थ अमेरिका २०२६’ का उत्कृष्ट २० प्रतिस्पर्धी सार्वजनिक गरेको छ । उत्तर अमेरिकामा नेपाली महिला, संस्कृति, नेतृत्व र उपलब्धिलाई प्रवद्र्धन गर्दै आएको यो प्रतिष्ठित प्रतियोगिताको नवौं संस्करण यस वर्ष विशेष रूपमा अमेरिकाको राजधानी वासिङ्टन डीसीमा आयोजना हुँदैछ ।

यसअघि न्यूयोर्कमा हुँदै आएको प्रतियोगिता अमेरिकाको २५०औँ स्थापना वर्षको अवसर पारेर पहिलो पटक वासिङ्टन डीसीमा सारिएको हो । आयोजकका अनुसार यो निर्णयले अमेरिकी समाजमा नेपाली समुदायको बढ्दो उपस्थिति, योगदान र पहिचानलाई झन् मजबुत रूपमा प्रस्तुत गर्ने अवसर प्रदान गर्नेछ ।