शक्तिशाली सरकार बन्दा पनि अझै उठ्न सकेन निजी क्षेत्र

काठमाडौँ । बैंकिङ प्रणालीमा अत्याधिक तरलता र घट्दो बैंक ब्याजदरका बाबजुद पनि निजी क्षेत्रमा कर्जा विस्तार खुम्चिएको अवस्था छ । कारण– निजी क्षेत्रको मनोबल उठ्न नसक्नु हो । जेनजी आन्दोलनबाट खस्किएको निजी क्षेत्र अझै उठ्न सकेको छैन ।

अब त झण्डै दुई तिहाइको सरकार छ, यस्तोमा निजी क्षेत्र जुर्मुराउने आशा गरिएको थियो । तर सरकार गठनको १०० दिन नजिकिँदै गर्दा मनोबल केही बढे पनि निजी क्षेत्र उत्साहित भने नभएका तथ्याङ्कहरूले नै देखाउँछ ।