जापानमा खाली घरको सङ्ख्या ९० लाख

जापानमा खाली घरहरूको सङ्ख्या ९० लाख नाघेको छ । पाँच वर्षमा पाँच लाखले बढेर खाली घरहरूको सङ्ख्या ९० लाख नाघेको जापानको आन्तरिक मामिला मन्त्रालयलाई उद्धृत गर्दै चिनियाँ समाचार संस्था सिन्ह्वाले जनाएको छ ।

जापानमा अहिले कुल घरको झन्डै १४ प्रतिशत घर खाली रहेका छन् । आन्तरिक मामिला मन्त्रालयको सर्वेक्षण प्रतिवेदनअनुसार विदेशमा सन्तान भएका वा सन्तान नभएका वृद्धहरूको स्वामित्वमा रहेका घर उनीहरूको मृत्युपछि वा उनीहरू वृद्धाश्रममा बस्न थालेपछि खाली भएका हुन् ।