बसपार्क अगाडिका संरचनामा बिहीबार डोजर चल्ने

पोखरा । पोखरा महानगरपालिकाले पृथ्वीचोकस्थित हङकङ बजार अगाडिका विभिन्न संरचनामा बिहीबार डोजर चलाउने भएको छ । उपत्यका नगर विकास समितिको नाममा रहेको जग्गा अतिक्रमण गरेर विभिन्न संघ संस्थाले संरचना ठड्याएका छन् ।

सहारा क्लब पोखरा, सामुदायिक प्रहरी सेवा, जिफन्ट गण्डकी, नेपाल ट्रेड युनियन काँग्रेस, हिमाली सांस्कृतिक परिवारको भवन, पसलहरू, सार्वजनिक शौचालयसमेतका संरचना भत्काइने तयारी छ । पोखरा महानगरपालिका र पोखरा उपत्यका नगर विकास समितिले सार्वजनिक तथा सरकारी जग्गा खाली गर्न यसअघि सार्वजनिक सूचना जारी गरेकोमा त्यसको म्याद सकिएको हो ।