आकर्षक उपहारको प्रलोभन देखाएर चिट्ठा मार्फत ठगी गर्ने पक्राउ

विराटनगर । विराटनगरमा आकर्षक इलेकट्रोनिक सामानहरू उपहार पर्ने प्रलोभन देखाई अवैध रूपमा चिट्ठा खेलाएर सर्वसाधारणलाई ठगी गर्ने एक जनालाई प्रहरीले पक्राउ गरेको छ।

जिल्ला प्रहरी कार्यालय मोरङ र वडा प्रहरी कार्यालय विराटनगरको संयुक्त प्रहरी टोलीले विराटनगर महानगरपालिका वडा नम्बर ११, महेन्द्र चोक बस्ने ३५ वर्षीय सुवास राईलाई नियन्त्रणमा लिएको हो।