बर्दियाका गाउँमा माघीको उल्लास

बर्दिया — जिल्लाका ग्रामीण बस्तीमा माघी पर्वको उल्लास छाएको छ । बस्ती–बस्तीमा माघी नाचगान र विभिन्न कार्यक्रमले रौनक छ । थारु समुदायको मुख्य पर्व भएकाले गाउँघरमा चहलपहल बढेको हो । माघी मनाउन टाढा–टाढाबाट घर फर्किरहेका छन् ।

यहाँ बुधबारबाट माघी सुरु भइसकेको छ । पर्व मनाउन अध्ययन र रोजगारीका लागि घरबाहिर रहेका थारु युवा फर्किसकेका छन् । जिल्लास्थित ८ वटै पालिकामा माघी कार्यक्रम राखिएका छन् ।