उदयपुर बस दुर्घटना : घाइते ३० मध्ये २३ जना डिस्चार्ज, ७ जनाको उपचार हुँदै

उदयपुर। उदयपुरगढी गाउँपालिका वडा नं. ७ जोगिटोलस्थित सडकमा शनिबार बिहान भएको सवारी दुर्घटनाका घाइतेमध्ये २३ जना उपचारपछि डिस्चार्ज भएका छन्।

महोत्तरीबाट सुनसरीतर्फ जाँदै गरेको दिप एजुकेसन बोर्डिङ स्कुलको स्टाफ बोकेको बा २ ख ६४३८ नम्बरको बस दुर्घटना हुँदा कुल ३० जना घाइते भएका थिए। तीमध्ये उपचार गराइरहेका २३ जना निको भएर फर्किएका छन् भने बाँकी ७ जनाको विभिन्न अस्पतालहरूमा उपचार भइरहेको छ।