ए स्टार नेपाल बास्केटबल लिग २०२६ को सेमिफाइनल समीकरण पूरा

लन्डन । बेलायतमा रहेका नेपाली मूलका प्रतिभाशाली युवा खेलाडीहरूलाई समेटेर आयोजना भइरहेको ‘ए स्टार नेपाल बास्केटबल लिग २०२६’ को पाँचौँ संस्करण सेमिफाइनल चरणमा प्रवेश गरेको छ। नेपाल बास्केटबल लिग यूकेले वुमेन बलर्स क्लबको सहकार्यमा लन्डनको फेल्थमस्थित स्प्रिङवेस्ट एकेडेमीमा आयोजना गरेको क्वार्टरफाइनल खेलहरू सम्पन्न भएसँगै पुरुषतर्फको सेमिफाइनल समीकरण पूरा भएको हो।

गत १५ मार्च २०२६ देखि सुरु भएको यो प्रतियोगितालाई नेपाल बाहिर नेपाली समुदायद्वारा आयोजना गरिने सबैभन्दा ठूला बास्केटबल प्रतियोगिताहरूमध्ये एक मानिन्छ। यस प्रतियोगिताले यतिबेला बेलायतभरका बास्केटबल प्रेमीहरूको ध्यान विशेष रूपमा आकर्षित गरिरहेको छ। प्रतियोगिताअन्तर्गत गत आइतबार आयोजित क्वार्टरफाइनलका चार खेलहरू निकै प्रतिस्पर्धात्मक र रोमाञ्चक रहे।