बागमती मुख्यमन्त्रीमा अब ८ महिना बानियाँ

मकवानपुर । आफ्नै दलबाट सरकारमा सहभागी ५ जना मन्त्रीहरुले राजिनामा दिएपछि नैतिक संकटमा परेका बागमती प्रदेशका मुख्यमन्त्री बहादुर सिं लामाले पदबाट राजिनामा दिने भएका छन् । लामाले राजिनामा दिएपछि नेपाली काँग्रेस बागमती, प्रदेश संसदीय दलमा नवनिर्वाचित नेता इन्द्रबहादुर बानियाँ मुख्यमन्त्री बन्ने भएका छन् ।

मन्त्रीहरुले पदबाट राजिनामा दिएर संसदीय दलमा अविश्वासको प्रास्तव दर्ता गरेपछि लामा समस्या थिए । अविश्वासको प्रस्ताव पारित भएर संसदीय दलको नेता पद गुमाएका लामाले मुख्यमन्त्रीबाट भने राजिनामा नदिने अडान राखेका थिए । यद्यपि पार्टी केन्द्रीय सभापति शेरबहादुर देउवाको सल्लाह र निर्देशन पछि लामा राजिनामाको लागी तयार भएका हुन् ।