ब्रायन ब्रोबी चम्किएपछि नेदरल्याण्ड्सको दोब्बर अग्रता

काठमाडौँ । फिफा विश्वकप २०२६ अन्तर्गत ह्युस्टन स्टेडियममा जारी खेलमा नेदरल्याण्ड्सले स्विडेन विरुद्ध आफ्नो पकड अझ बलियो बनाएको छ । खेलको सुरुवाती समयमै नेदरल्याण्ड्सले २–० को सहज अग्रता लिन सफल भएको छ ।

नेदरल्याण्ड्सका लागि स्ट्राइकर ब्रायन ब्रोबी ले सानदार प्रदर्शन गर्दै व्यक्तिगत दोस्रो गोल गरेका छन्। खेलको ५ औँ मिनेटमा पहिलो गोल गरेका ब्रोबीले १७ औँ मिनेटमा पुनः गोल गर्दै टोलीको अग्रता दोब्बर पारेका हुन् । यसपटक उनलाई गोल गर्न डेन्जेल डम्फ्रीजले उत्कृष्ट पास मिलाइदिएका थिए ।

सुरुवाती २० मिनेट नबित्दै दुई गोलको अग्रता बनाएपछि नेदरल्याण्ड्स अहिले खेलमा पूर्ण रूपमा हावी देखिएको छ । समूहको शीर्ष स्थानमा रहेको स्विडेनलाई भने यो सुरुवाती झट्काले निकै दबाबमा पारेको छ ।