प्रधानमन्त्रीको चीन भ्रमण अघि पोखरा विमानस्थलमा चिनियाँ विमानको उडानको अर्थ के ?

पोखरा अन्तर्राष्ट्रिय विमानस्थलमा १७ महिनापछि अन्तर्राष्ट्रिय उडान भएको छ। विमानस्थल सञ्चालनमा आएको दुई वर्षमा योसहित दुई पटक मात्र अन्तर्राष्ट्रिय उडान भएको छ, यी दुबै उडान चीनबाट भएका हुन्।

चीनको ऋण लगानीमा निर्माण भएको पोखरा अन्तर्राष्ट्रिय विमानस्थलमा व्यवसायिक उडान अझै हुन सकेको छैन। तर, प्रधानमन्त्री केपी शर्मा ओलीको आसन्न चीन भ्रमण अघि चीनको सिचुवान एयरलाइन्सले १७ महिनापछि बिहीबार दोश्रो अन्तर्राष्ट्रिय उडान गनुको भने अर्थ छ। किनकी यो विमानस्थल भू राजनीतिसँग पनि जोडिएको छ। चीनको ऋण लगानी रहेकाले विश्वको चासा छ भने आफ्नो देशको ऋण लगानी रहेकाले चीनलाई पनि जसरी पनि सफल बनाउनुपर्ने दबाबमा छ। त्यही भएर बिहीबार भएको उडानका लागि चिनियाँ राजदूत काठमाडौंबाट आफै पोखरा पुगेका थिए।