रविको पार्टी ध्वस्त पार्न प्रचण्ड होलान् त सफल ?

झट्ट हेर्दा अहिले रवि लामिछानेलाई जेल हाल्ने नेपाली कांग्रेस र नेकपा एमाले देखिन्छन् ।

किनभने यी दुवै दल मिलेर सरकार चलाइरहेका छन् । एमाले अध्यक्ष केपी शर्मा ओली अध्यक्ष छन् भने कांग्रेस नेता रमेश लेखक गृहमन्त्री । शरणार्थी काण्डसँग जोडिएकी आरजु राणा पनि सरकारमै छन् । यो सरकारले रविलाई नफसाएर कसले फसाउँछ त भनेर सडकदेखि सञ्जालसम्म चिच्याउनेको कमी छैन ।