मुख्य सामग्रीमा जानुहोस्

समाचार

देश

स्वार्थी मानसिकता र पारर्शीताको घाँडो

rajdhanidaily.com · Tue Jun 14 23:34:17 GMT 2022

काठमाडौं महानगरपालिकाका नवनिर्वाचित मेयर बालेन साहको चुनाबी प्रचार मतदाताबीचकै बहस र चर्चाको विषय बनेको सर्वविदितै छ । कसैले १०÷१५ हजार भोट बालेनले काटे पनि साविकको एमालेको स्थानमा केशव स्थापितै विजयी बन्छन् भन्ने आशय अभिव्यक्त गरे । कसैले कोर इलाकाको समर्थन सिर्जना सिंहलाई नै हुने भएकाले कांग्रेसकै उम्मेदवार विजयी हुने प्रतिक्रिया दिए । कतिपयले राजावादी पार्टीको रूपमा चिनिँदै आएको राप्रपाकै उम्मेदवार कलाकार मदनदास श्रेष्ठ विजयी हुन्छन् भन्ने तर्क अघि सारे । कसैले उम्मेदवारको संख्या अत्यधिक भएकाले कसको पक्ष बलियो छ अहिले नै भन्न नसकिने राय व्यक्त गरे । काठमाडौंको मेयर पद आकर्षणको केन्द्र भएकोले उम्मेदवारको निम्ति मात्र होइन मतदाताकै पनि उत्सुकताको विषय बन्नु स्वाभाविक थियो ।

निर्वाचन परिणामले भने मतदाताको उपरोक्त अनुमान यथार्थताको जड नपहिल्याई आएको प्रमाणित ग¥यो । काठमाडौंवासी राजनीतिक पुस्तान्तरण चाहन्छन् भन्ने कुरा बालेन साहले प्राप्त गरेको अत्यधिक मतले नै प्रमाणित गरिदिएको छ । निर्वाचन परिणामले आफूलाई साथ नदिने निश्चित भएपछि नेकपा एमालेकै उम्मेदवार केशव स्थापितले त मतगणनाकै अन्तिम चरणमा बालेन ठकुरी साह भनेको त तराईका साह पो रहेछन् । मतदातालाई भ्रमित पारेर विजयी बने भन्ने आक्षेप नै लगाउन पछि परेनन् । लामो राजनीतिक अनुभव भएका मन्त्री बनिसकेका व्यक्तिकै दृष्टिकोण यथावस्थाकै हुनु, उपत्यकामा नेवार समुदायबाटै नेतृत्व लिनुपर्दछ भन्ने ठान्नु यति मात्र होइन तराईवासी उपत्यकामा विजयी हुनु नहुने आशय व्यक्त गर्नु तथा त्यस्तै व्यक्ति नै बराबर निर्वाचित भइरहने हो भने त्यसले काठमाडौंमा परिवर्तन ल्याउँछ÷ल्याउँदैन ? यो समस्त उपत्यकावासीकै चिन्ता र चासोको संवेदनशील विषय हो ।

स्रोतमा पूरा पढ्नुहोस् (rajdhanidaily.com)