रक्सौलबाट हेलमेटमा स्रोत नखुलेको साढे १५ लाख लुकाएर वीरगंज आउँदै गर्दा तीन जना पक्राउ

वीरगंज : पर्सा प्रहरीले स्रोत नखुलेको साढे १५ लाख रुपैयाँसहित दुई जना भारतीय र एक नेपाली नागरिकलाई पक्राउ गरेको छ। मोटरसाइकलमा सवार उनीहरुले हेलमेटमा ५/५ लाख रुपैयाँ लुकाएर नेपाल आउँदै गर्दा प्रहरीले नियन्त्रणमा लिएको हो।

पक्राउ पर्नेहरुमा भारत पूर्वी चम्पारण बसतपुर निवासी २५ वर्षीय विक्रम पटेल, मोतिहारी थाना भेलाही निवासी २९ वर्षीय मुकेश पटेल र पर्सा धोविनी गाउँपालिका वडा नम्बर ३ हरिहरपुर निवासी २३ वर्षीय बलिराम पटेल रहेका छन्।