जर्मनीविरुद्ध आइभरी कोस्टलाई १–० को सुरुवाती अग्रता

काठमाडाैँ । क्यानडाको टोरन्टो स्टेडियममा जारी फिफा विश्वकप २०२६ को समूह ‘इ’ अन्तर्गतको महत्त्वपूर्ण खेलमा आइभरी कोस्टले जर्मनी विरुद्ध सुरुवाती अग्रता लिएको छ । खेलको ३० औँ मिनेटमा आइभरी कोस्टका मिडफिल्डर फ्रान्क केसीले गोल गर्दै आफ्नो टोलीलाई १–० को स्थितिमा पुर्‍याएका हुन् ।

पहिलो खेलमा कुरासाओलाई ७–१ को फराकिलो अन्तरले पराजित गरेको जर्मनी आज खेलको ३० औँ मिनेटमै गोल खाएपछि केही दबाबमा देखिएको छ । दुवै टोलीले आफ्नो पहिलो खेल जितेर ३–३ अंक बटुलिसकेका छन् । यदि यो नतिजा कायम रहेमा आइभरी कोस्ट ६ अंकका साथ समूहको शीर्ष स्थानमा उक्लनेछ भने जर्मनीका लागि अघिल्लो चरणको समीकरण केही कठिन हुन सक्नेछ ।