मेलम्चीको पानी साढे तीन सय ठाउँमा चुहावट

एउटै सडक क्षेत्रमा १० भन्दा धेरै ठाउँमा चुहावट, ९० स्थानमा मर्मत भइसकेको केयुकेएलको दाबी

काठमाडौंका न्युरोड, सोह्रखुट्टे, नरदेवी, पकनाजोल, लाजिम्पाट, लैनचौर, रत्नपार्क, अनामनगर, बानेश्वर, थापागाउँ, सिंहदरबार तथा ललितपुरका सातदोबाटो, लगनखेल, कुमारीपाटी, एकान्तकुना, पुल्चोक, जाउलाखेललगायत सडकखण्डमा चुहावट भएको छ । केयुकेएलले हाल खुमलटार, मीनभवन, अनामनगर, बाँसबारी, महाँकालचौर, महाराजगन्ज र बालाजुको पानीपोखरीबाट पानी वितरण गरिरहेको छ । कीर्तिपुरको पानीपोखरीबाहेक अन्य ठाउँबाट वितरण भएको हो । केयुकेएलका अनुसार बल्खु चोकमा मर्मतको काम भइरहेकाले कीर्तिपुर ट्यांकीबाट खानेपानी वितरण हुन अझै केही दिन लाग्नेछ ।