सभापति भएपछि गगनको पहिलो सन्देशः कांग्रेस विधि, विधान र एकतामै अघि बढ्छ

नेपाली कांग्रेसका सभापति गगन थापाले पार्टी विधि, विधान र लोकतान्त्रिक प्रक्रियामै अघि बढ्ने स्पष्ट सन्देश दिएका छन्। सभापतिमा निर्वाचित भएपछि थापाले जारी गरेको औपचारिक विज्ञप्तिमा विशेष महाधिवेशनसम्बन्धी सम्पूर्ण निर्णय संविधान, प्रचलित कानुन र पार्टी विधानअनुसार भएको उल्लेख गरिएको छ।

विज्ञप्तिमा थापाले नेपाली कांग्रेसमा विधि, विधान र पद्धति स्थापित भइसकेको बताउँदै विशेष महाधिवेशन कुनै विवादको विषय नभई लोकतान्त्रिक अभ्यासको स्वाभाविक प्रक्रिया भएको स्पष्ट पारेका छन्। उनले नेपाली कांग्रेसलाई ऐतिहासिक परिवर्तन र देशको समुन्नतिको यात्रामा अघि बढाउन आम सदस्य र शुभेच्छुकहरूको इमानदार प्रयास निर्णायक रहेको उल्लेख गरेका छन्।