इक्वेडर भर्सेस कुरासाओः नकआउट समीकरणका लागि दुवै टोलीलाई जित्नै पर्ने दबाब

काठमाडौं । फिफा विश्वकप २०२६ अन्तर्गत समूह ‘इ’ को अर्को महत्त्वपूर्ण खेलमा आज इक्वेडर र कुरासाओबिच प्रतिस्पर्धा हुँदै छ । अमेरिकाको क्यानसास सिटी स्टेडियममा हुने यो खेल नेपाली समय अनुसार आइतबार बिहान ५ः४५ बजे सुरु हुनेछ । समूहका दुवै टोलीका लागि अघिल्लो चरण (राउण्ड अफ ३२) को सम्भावना जीवितै राख्न आजको खेलमा जित निकाल्नु अनिवार्य जस्तै बनेको छ ।

यसअघि भएको आफ्नो पहिलो खेलमा इक्वेडर आइभरी कोस्टसँग १–० गोलको झिनो अन्तरले पराजित भएको थियो । कुनै अंक जोड्न नसकेको इक्वेडर हाल तालिकाको तेस्रो स्थानमा छ । अर्कोतर्फ, विश्वकपमा नवप्रवेशी राष्ट्र कुरासाओले आफ्नो पहिलो खेलमा जर्मनीसँग ७–१ को फराकिलो हार बेहोरेको थियो । अंकविहीन कुरासाओ खराब गोल अन्तरका कारण समूहको पुछारमा रहेको छ ।