फिर्के खोलामा रहेको लिटिल स्टेप स्कुलको भवन नभत्काउन सर्वोच्चको अन्तरिम आदेश

पोखरा । पोखराको फिर्के खोला स्थित खोलाघरमै निर्माण गरिएको लिटिल स्टेप स्कुलको संरचना नचलाउन सर्वोच्च अदालतले अन्तरिम आदेश दिएको छ । स्कूलले आफ्नो स्वीकृत नक्साअनुसार निर्माण गरिएको भवन भत्काउन लागेको भन्दै सर्वोच्चमा रिट दिएको थियो ।

निवेदन माथि प्रारम्भिक सुनुवाइ गर्दै अदालतले तत्काल भवनमा कुनै बाधा अवरोध नगर्न आदेश दिएको हो । न्यायाधीश शान्तिसिंह थापाको एकल इजलासले सर्वोच्च अदालत नियमावली, २०७४ को नियम ४९(२)(ख) बमोजिम अल्पकालीन अन्तरिम आदेश जारी गर्दै विपक्षीहरूलाई सूचना दिन आदेश गरेको छ ।