निर्वाचन २०८२: सुरक्षा तयारी अन्तिम चरणमा, तीन लाख ३० हजार सुरक्षाकर्मी परिचालन गरिँदै

काठमाडौँ । आसन्न प्रतिनिधि सभा सदस्य निर्वाचनलाई स्वच्छ, निष्पक्ष र भयरहित वातावरणमा सम्पन्न गर्न आवश्यक सुरक्षा रणनीतिबारे छलफल गर्दै प्रदेशस्तरीय सुरक्षा गोष्ठी सम्पन्न भएको छ।

लुम्बिनी प्रदेशको रुपन्देहीबाट गत मङ्सिर ९ गतेदेखि सुरु भएको यो गोष्ठी मङ्गलबार मधेस प्रदेशको जनकपुरमा पुगेर टुङ्गिएको हो। गृह मन्त्रालय र प्रदेश सरकारको संयुक्त आयोजनामा बर्सेनि हुने यस्तो गोष्ठी यसपटक आन्तरिक सुरक्षाका साथै आगामी निर्वाचनको सुरक्षा तयारीमा बढी केन्द्रित रहेको जनाइएको छ।