उपसभापतिमा निर्वाचित भएपछि विश्वप्रकाशले के भने ? [पूरा भिडियो]

काठमाडौँ। नेपाली कांग्रेसका नवनिर्वाचित उपसभापति विश्वप्रकाश शर्माले पार्टीका विगतका कमजोरीप्रति आत्मालोचना गर्दै जनतासँग पुनः विश्वासको सम्बन्ध स्थापित गर्ने प्रतिबद्धता व्यक्त गरेका छन्।

काठमाडौंको भृकुटीमण्डपमा जारी विशेष महाधिवेशनबाट उपसभापतिमा चुनिएपछि सम्बोधन गर्ने क्रममा उनले गगन थापाको नेतृत्वमा पार्टीलाई नयाँ ऊर्जा र नवीन दृष्टिकोणसहित अघि बढाउने संकल्प गरे। पार्टीको आन्तरिक एकतालाई बलियो बनाउँदै एकजुट भएर जनताका मुद्दा सम्बोधन गर्न लागिपर्ने उनको भनाइ छ।