एनआरएनएको पहलमा मलेसियामा ५६ नेपाली काममा फर्किए

काठमाडौँ । गैरआवासीय नेपाली संघ (एनआरएनए) को पहलमा मलेसियामा समस्यामा परेका ५६ नेपाली काममा फर्किएका छन् । मलेसियाको एडिके कम्पनीले खान र बस्न समेत नदिएको भन्दै उनीहरूले गुनासो गरेका थिए ।

त्यसपछि एनआरएनए एसिया प्रशान्त उपसंयोजक (डीआरसी) हरि भट्टराईलगायतको पहलमा भएको छलफलका क्रममा विमानस्थल कार्गोमा कामको लागि पुगेका ती ५६ नेपाली कामदारहरू काममा फर्कने वातावरण बनेको हो ।