दरबन्दी मिलानमार्फत शिक्षक अभाव समाधान गर्ने सरकारको योजना, विज्ञापन के होला?

काठमाडौँ- देशभरका सामुदायिक विद्यालयमा शिक्षक दरबन्दीमा ठूलो असन्तुलन देखिएको छ। प्राथमिक तहमा करिब २० हजारले आवश्यकभन्दा बढी दरबन्दी रहेको पाइएको छ भने निम्न माध्यमिक र माध्यमिक तहमा करिब २२ हजार दरबन्दीको अभाव रहेको शिक्षा क्षेत्रका अधिकारीहरूले बताएका छन्।

शिक्षा तथा मानव स्रोत विकास केन्द्रका अनुसार प्राथमिक तहका करिब ५ हजार १६५ रिक्त दरबन्दीलाई अपग्रेड गरी निम्न माध्यमिक र माध्यमिक तहमा समायोजन गर्ने प्रस्ताव शिक्षा तथा खेलकुद मन्त्रालयमा पठाइएको छ।