आईटीयू प्रतिनिधिसँग सञ्चारमन्त्रीको भेट, डिजिटल पूर्वाधार विकासमा जोड

काठमाडौं । सूचना तथा सञ्चारमन्त्री डा. विक्रम तिमिल्सिना र संयुक्त राष्ट्रसंघ अन्तर्गतको अन्तर्राष्ट्रिय दूरसञ्चार संघ (आईटीयू) का दक्षिणपूर्व एशिया तथा एशिया–प्रशान्त क्षेत्रीय प्रतिनिधि किशोर बाबु येराबल्लाबीच बुधबार शिष्टाचार भेटवार्ता भएको छ ।

मन्त्रालयमा भएको भेटवार्तामा नेपालको डिजिटल रूपान्तरण, समावेशी कनेक्टिभिटी तथा सूचना प्रविधिको दीगो विकासका विषयमा विस्तृत छलफल भएको हो । भेटका क्रममा आईटीयू प्रतिनिधि येराबल्लाले नेपालले अघि बढाएको डिजिटल रूपान्तरण अभियानलाई संस्थागत, नीतिगत तथा प्राविधिक सहयोगमार्फत थप सुदृढ बनाउन आईटीयू इच्छुक रहेको बताए ।