‘ट्रिलिनेयर’हरुको युगमा लोकतन्त्र खतरामा छ

एलन मस्कको कम्पनी ‘स्पेस एक्स’ भर्खरै केही दिन अघि मात्रै धितोपत्र बजारमा सूचीकृत भएको छ । यससँगै वाल स्ट्रिटदेखि सिलिकन भ्यालीसम्म ठुलो उत्सवको माहोल देखिन्छ । मस्कको सम्पत्ति एक ट्रिलियन डलर अर्थात १० खर्ब डलर पुगेको छ ।

संसारमा अब अतिधनाड्यहरुमा ट्रिलियनको आँकडा पनि देखिएको छ । यससँगै एउटा सरल तर असाध्यै गम्भीर सत्य पनि हाम्रासामु उदाङ्गो भएको छ । त्यो हो– विश्व अर्थतन्त्रमा ट्रिलिनेयरहरुको उपस्थिति प्रमुख राजनीतिक तथा आर्थिक समस्या पनि हो । यो सामान्य मात्रै नभएर आजको दिनमा विश्वको खास समस्या नै हो ।