फेसबुक र इन्स्टाग्राममा लाइभ सपिङ र एआई एड फिचर थपियो

मेटाले आफ्नो फेसबुक र इन्स्टाग्राम प्ल्याटफर्ममा नयाँ अपडेटहरूको घोषणा गरेको छ। यी नयाँ अपडेटहरू लाइभ ब्रोडकास्ट भित्र सपिङ एक्टिभिटी बढाउनमा केन्द्रित छन्। कम्पनीले आर्टिफिसियल इन्टेलिजेन्सद्वारा सञ्चालित विज्ञापन प्रणालीमा पनि सुधार गरेको छ। यसले अडियन्स रेस्पोन्सलाई अझ प्रभावकारी बनाउनेछ।

मेटाले आफ्नो ‘लाइभ भिडियो एड्स’ लाई इन्स्टाग्राममा विस्तार गरेको छ। यो एड्स फेसबुकमा भने ग्लोबल रोलआउट भएको छ। यो नयाँ एक्स्टेन्सनले ब्रोडकास्टर्सहरूलाई थप मद्दत पुर्‍याउनेछ। उनीहरूले इन-स्ट्रिम सपिङ एक्टिभिटी बढाउन सक्नेछन्। मेटाले लाइभ कमर्स प्ल्याटफर्महरूसँग पनि सहकार्य गरेको छ। यसमा कमेन्टसोल्ड , फायरवर्क , लाइभमीअप , स्प्री र टकसपलाइभ सामेल छन्।