कालंगा हाइड्रोको आईपीओमा ११ गुणाभन्दा बढी आवेदन

काठमाडौं- कालंगा हाइड्रो लिमिटेडले सर्वसाधारणका लागि निष्काशन गरेको आईपीओमा ११.०७ गुणाभन्दा बढी आवेदन परेको छ।

कम्पनीले बिक्री खुला गरेको २८ लाख ७० हजार कित्ता शेयरका लागि अन्तिम दिन बुधबार साँझ ५ बजेसम्म २९ लाख १० हजार ९२६ जनाबाट ३ करोड १७ लाख ८७ हजार ४०० कित्ताका लागि आवेदन परेको हो। यसअघि कम्पनीले आयोजना प्रभावित स्थानीय बासिन्दा र वैदेशिक रोजगारीमा रहेका नेपालीका लागि शेयर बाँडफाँट गरिसकेको छ।