भुटानकी खेलाडीलाई ‘टाइम आउट’ गरेपछि क्यानले माग्यो माफी

काठमाडौं : एसीसी महिला प्रिमियर कप–२०२६ को दोस्रो खेलमा नेपाली महिला क्रिकेट टिमले भुटानकी खेलाडी रित्सी छोडेनलाई ‘टाइम आउट’ गराएकोमा नेपाल क्रिकेट संघ (क्यान) ले माफी मागेको छ ।

क्यानले एक प्रेस विज्ञप्ति जारी गर्दै नेपालले खेलभन्दा माथि ‘क्रिकेटिङ स्पिरिट’ रहने भन्दै महिला टोलीले गरेको कार्यप्रति संघले माफी मागेको छ । टाइम आउट क्रिकेटको नियममा भए पनि क्रिकेटमा हुनुपर्ने भावनात्मक सम्मान भन्ने चिज नियम र कानुनभन्दा माथि हुनुपर्ने भन्ने क्यानले विज्ञप्ति जारी गर्दै माफी मागेको हो ।