विकासका योजनाहरू समयमै सम्पन्न हुन नसक्नुको कारण खोजौँ : सांसद भण्डारी

काठमाडौँ । नेपाली कांग्रेसका सांसद शंकर भण्डारीले विकासका योजनाहरू समयमै सम्पन्न हुन नसक्नुको कारण समाधानका उपायहरू खोज्न आवश्यक रहेको बताएका छन् । बिहीबारको पूर्वाधार विकास समितिको बैठकमा बोल्दै उनले यस्तो बताएका हुन् ।

सांसद भण्डारीले सरकारले ठोस नीति र कार्यक्रम बनाउन नसक्दा विकासका योजनाहरू समयमै सम्पन्न हुन नसकेको पनि बताए । उनले अहिलेका राष्ट्रिय गौरवका आयोजनाहरू समयमा नै सम्पन्न हुन नसक्नुमा वन क्षेत्र लगायतका समस्या रहेको भएपनि कतिपय योजनाहरू निर्माण कम्पनीहरूको बदमासीका कारण सम्पन्न नभएको जिकिर गरे । उनले अब कुनैपनि निर्माणका योजनाहरू समय भन्दा पर जाने कुराको अन्त्य हुन आवश्यक रहेको बताए ।