विश्वकै पहिलो १०,००० निट्स ब्राइटनेस भएको फोन अनर एक्स-८० प्रो म्याक्स, ब्याट्री ११,००० एमएएच

काठमाडौं । अनरको नयाँ स्मार्टफोन एक्स-८० प्रो म्याक्स १०,००० निट्सको पिक ब्राइटनेस युक्त डिस्प्ले भएको विश्वकै पहिलो स्मार्टफोन हुने भएको छ । यो फोन चीनमा भोलि २२ जुनको दिन सार्वजनिक हुँदैछ ।

यो फोनमा ६.८ इन्चको १.५ के (२७८८×१२८०) ओलेड डिस्प्ले रहेको छ । जसमा १२० हर्ज रिफ्रेश रेट र १.३ एमएमको निकै स्लिम बेजल छ । १०,००० निट्सको ब्राइटनेस 'लोकल पिक' (सानो उज्यालो भागमा मात्र) हो भने फुल-स्क्रिनमा यसले २,००० निट्सको उत्कृष्ट ब्राइटनेस दिनेछ । साथै, स्क्रिन फ्लिकरबाट आँखालाई जोगाउन यसमा ३,८४० हर्ज पीडब्लूएम डिमिङ प्रविधि प्रयोग गरिएको छ ।