विदेशको प्रेम, नेपाली गाउँको सम्झना माया बस्छ कि के हो

विदेशको सुन्दर परिवेशमा हुर्किएको प्रेम, नेपाली गाउँको सम्झना र सम्बन्धमा आउने मतभेदलाई समेटिएको फिल्म माया बस्छ कि के होको ट्रेलर सार्वजनिक गरिएको छ।

साइराम पिक्चर्सको युट्युव च्यानलबाट सार्वजनिक गरिएको ३ मिनेटको ट्रेलरमा डेब्यु अभिनेता सोनाल लामा र कस्मता निरौलाको प्रेमसम्बन्ध प्रस्तुत गरिएको छ। ट्रेलरमा अध्ययन र रोजगारीका लागि विदेशिएका नेपाली युवा–युवतीको जीवन र उनीहरूबीचको प्रेमलाई फिल्मको कथाले पछ्याएको छ। प्रेमसंगै सम्बन्धमा देखिने उतारचढाव, आपसी मतभेद र संघर्षलाई ट्रेलरका दृश्यले प्रस्तुत गरेका छन्। ट्रेलरमा युरोपका आकर्षक शहरसंगै नेपाली गाउँको परिवेशलाई पनि जोडिएको छ।