कुरासाओका गोलरक्षकले तोडे १० वर्ष पुरानो विश्वकप रेकर्ड

काठमाडौँ । फिफा विश्वकप २०२६ अन्तर्गत आइतबार बिहान भएको खेलमा कुरासाओका गोलरक्षक इलोय रुमले उत्कृष्ट प्रदर्शन गर्दै विश्वकप इतिहासकै नयाँ र ऐतिहासिक कीर्तिमान कायम गरेका छन् । अमेरिकाको क्यानसास सिटी स्टेडियममा भएको इक्वेडरविरुद्धको खेलमा रुमले निर्धारित ९० मिनेटभित्रै १५ वटा सेभ गर्दै नयाँ इतिहास रचेका हुन् ।

यो प्रदर्शनसँगै ईलोय रुमले विश्वकपको निर्धारित ९० मिनेटको समयभित्र सबैभन्दा धेरै बचाउ गर्ने गोलरक्षकको रूपमा आफ्नो नाम लेखाएका छन् । यसअघि सन् २०१४ को विश्वकपमा अमेरिकाका टिम हावर्डले् बेल्जियमविरुद्ध कुल १६ सेभ गरे पनि निर्धारित ९० मिनेटको समयमा उनले १२ सेभ मात्र गरेका थिए । बाँकी ४ सेभ अतिरिक्त समयमा भएका थिए। तर, रुमले अतिरिक्त समय बिना नै ९० मिनेटभित्रै १५ वटा प्रहार विफल पार्दै हावर्डको १० वर्ष पुरानो कीर्तिमानलाई उछिनेका हुन् ।