डिजिटल सीपमार्फत साना उद्यमीलाई सशक्त बनाउँदै इन्टरनेट सोसाइटी नेपाल

काठमाडौं । डिजिटल प्रविधिको तीव्र विकाससँगै अहिले व्यवसाय सञ्चालन र प्रवद्र्धनमा ठूलो परिवर्तन आएको छ ।

डिजिटल मार्केटिङ अन्तर्गत सामाजिक सञ्जाल, एआई टुल्स र अनलाइन प्लेटफर्महरू व्यवसाय विस्तारका महत्वपूर्ण माध्यम बनिरहेका बेला नेपालका साना तथा मध्यम उद्यमीहरूलाई समयअनुकूल सीप प्रदान गर्ने उद्देश्यले ओपन इन्टरनेट नेपाल (इन्टरनेट सोसाइटी नेपाल च्याप्टर) ले ‘डिजिटल उत्थानः डिजिटल युगका लागि काठमाडौँका लघु–उद्यमीहरूलाई सशक्त बनाउने’ परियोजनाअन्तर्गत दोस्रो तथा अन्तिम कार्यशाला सम्पन्न गरेको छ ।