श्रम मन्त्रालयको नयाँ कार्यविधि, अब स्थानीय तहहरूबाटै उद्यमशीलता प्रवर्धन गरिने

काठमाडौँ । युवा, श्रम तथा रोजगार मन्त्रालयले नयाँ रोजगार, सीप तथा उद्यमशीलता सम्बन्धी एकीकृत सेवा प्रवाह कार्यविधि, २०८३ स्वीकृत गरेको छ । देशमा रोजगारी सिर्जना, सीप विकास र उद्यमशीलता प्रवर्धनलाई एकीकृत रूपमा अगाडि बढाउने उद्देश्यका साथ कार्यविधि तयार पारिएको हो ।

कार्यविधि अन्तर्गत हाल स्थानीय तहमा सञ्चालित रोजगार सेवा केन्द्रलाई रूपान्तरण गरी रोजगार, सीप तथा उद्यमशीलता केन्द्रका रूपमा सञ्चालन र व्यवस्थापन गरिनेछ । यससँगै अब नागरिकले रोजगारीको खोजी, सीपमूलक तालिम र उद्यमशील बन्न आवश्यक पर्ने सम्पूर्ण सेवाहरू आफ्नै स्थानीय तहबाट एकद्वार प्रणालीमार्फत सहज रूपमा प्राप्त गर्न सक्ने बताइएको छ ।