विकट गाउँमा हाडजोर्नी सेवा

कर्णालीको विकट बस्तीमा हाडजोर्नी विशेषज्ञ सेवा सर्वसाधारणले पाएका छन्। कर्णाली प्रदेश प्रहरी अस्पतालको आयोजनामा समुदाय–प्रहरी साझेदारी कार्यक्रम अन्तर्गत जुम्लाको कनकासुन्दरी गाउँपालिका–८ स्थित पाण्डव गुफा स्वास्थ्य चौकीमा हाडजोर्नी तथा नसारोग सम्बन्धी विशेषज्ञ स्वास्थ्य शिविर सञ्चालन गरिएको हो।

अस्पताल प्रमुख श्यामकृष्ण लौडारी सहित सात जना स्वास्थ्यकर्मीको टोलीले सञ्चालन गरेको शिविरबाट २ सय ९ जना सर्वसाधारण लाभान्वित भएको जनाईएको छ। शिविरमा ११ जनालाई हाडजोर्नी सम्बन्धी माइनर प्रोसिजर सेवा समेत प्रदान गरिएको थियो।