तनहुँमा जेठमा हराएका २१ मध्ये १७ जना फेला

दमौली । तनहुँ जिल्लामा जेठ महिनामा हराएका २१ जनामध्ये १७ जना सकुशल फेला परेका छन्। जिल्ला प्रहरी कार्यालय तनहुँले सार्वजनिक गरेको मासिक विवरणअनुसार बाँकी चार जनाको खोजी कार्य जारी रहेको छ।

प्रहरीका अनुसार हराएकामध्ये १० महिला, तीन पुरुष, एक बालक, चार बालिका र तीन जना ज्येष्ठ नागरिक थिए। तीमध्ये सात महिला, दुई पुरुष, एक बालक, चार बालिका र तीन जना ज्येष्ठ नागरिकलाई प्रहरीले फेला पारेको जनाएको छ।