जंगली च्याउ कुन विषालु हो, कुन होइन भनेर चिन्न सकिन्छ ?

नेपालमा वर्षायाम सुरु भएसँगै जंगल, खेतबारी, घाँसे मैदान तथा कुहिएको काठ वरिपरि विभिन्न प्रकारका च्याउ उम्रिन थाल्छन् । गाउँघरमा जंगली च्याउ टिपेर खाने चलन पुरानै हो । धेरै मानिसले स्वाद, परम्परा, तथा आर्थिक कारणले जंगली च्याउ संकलन गर्ने गर्दछन् ।

हरेक वर्ष नेपालमा विषालु च्याउ सेवनका कारण मानिस बिरामी पर्ने, अस्पताल भर्ना हुने, र कतिपय अवस्थामा मृत्यु समेत हुने घटना दोहोरिरहन्छ । सरदर ५० जनाले बार्षिक ज्यान गुमाएका समाचार हामीले सुन्दै आइरहेका छौं । त्यसैले वर्षायाममा च्याउ सेवन गर्दा विशेष सावधानी आवश्यक छ ।