नियमित योग अभ्यासले स्वास्थ्य सबल र मानसिक शान्ति हुन्छ : उपराष्ट्रपति यादव

उपराष्ट्रपति रामसहायप्रसाद यादवले नियमित योग अभ्यासबाट शारीरिक स्वास्थ्यका साथै मानसिक शान्ति, सकारात्मक सोच र आत्मिक उत्थानमा सहयोग पुग्ने विश्वास व्यक्त गरेका छन्।

अन्तर्राष्ट्रिय योग दिवसका अवसरमा आज शुभकामना सन्देश जारी गर्दै उनले योगलाई दैनिक जीवनशैलीमा आत्मसात् गरी स्वस्थ, अनुशासित र सन्तुलित जीवनतर्फ अग्रसर हुन सबैमा आग्रह गरेका छन्।