स्वास्थ्य बीमाको संकट : समस्या बजेटको मात्रै कि नैतिकता र प्रणालीको पनि ?

नेपाल सरकारको सबैभन्दा महत्वाकांक्षी र लोकप्रिय सामाजिक सुरक्षा कार्यक्रम ‘स्वास्थ्य बीमा’ यतिबेला गम्भीर संकटमा फसेको छ । स्वास्थ्य बीमा बोर्डले बढ्दो वित्तीय घाटाको बहाना बनाउँदै निजी स्वास्थ्य संस्थाहरूमा ‘आकस्मिक सेवा’ बाहेकका सम्पूर्ण बीमा सेवाहरू स्थगित गर्ने कठोर निर्णय गरेको छ ।

यो निर्णय केवल एउटा सरकारी पत्र वा प्राविधिक सूचना मात्र होइन । यसले उपचार नपाएर रोग लुकाउन विवश लाखौँ विपन्न नागरिकको स्वास्थ्य अधिकारमाथि सिधै बन्चरो प्रहार गरेको छ ।