‘दोस्रो संविधानसभाको कार्यकालमा उपलब्धिहरुको बन्ध्याकरण गरियो’

काठमाडौं । आम जनता पार्टी (आजपा)का अध्यक्ष तथा पूर्वमन्त्री प्रभु साहले पहिलो संविधानसभा कार्यकालमा जनमुखी यात्राकै अवधि भए पनि दोस्रो संविधानसभाको कार्यकालमा भने उपलब्धिहरुको बन्ध्याकरण गरिएको टिप्पणी गरेका छन् ।

डा.बाबुराम भट्टराई नेतृत्वको नेपाल समाजवादी पार्टीको स्थापना दिवसको अवसरमा भट्टराईको निम्ता स्वीकार गरेर अतिथिको रुपमा सम्बोधन गर्दै सांसद साहले दोस्रो संविधासभाको समयमा प्रतिगमन भएको दाबी गरे ।