पाटनको सौगल गणेश मन्दिरमा सेतो मुसाको खोजी र पूजा

काठमाडौँ । हिन्दु धर्ममा मुसालाई भगवान् गणेशको वाहनका रूपमा पुज्ने परम्परा छ। सामान्यतया मानिसहरू घरमा भित्रिएका मुसालाई धपाउन वा नियन्त्रण गर्न अनेक उपाय खोज्छन्। तर ललितपुर पाटनको ऐतिहासिक सौगल गणेश मन्दिरमा भने अचम्मको दृश्य देख्न पाइन्छ, जहाँ गणेशको प्रतिमावरिपरि दौडिरहेका मुसालाई दर्शनार्थीहरू श्रद्धापूर्वक हेर्ने र पूजा गर्ने गर्छन्।

मन्दिरको मुख्य स्थानमै शिर झुकाएर पूजा गरिरहेका भक्तालुहरू प्रतिमामा मुसा दौडिएको देखेर दङ्ग पर्ने गरेका छन्। यस दृश्यले स्थानीय भक्तजन र दर्शनार्थीहरूबिच विशेष चासो र कौतूहल जगाएको छ। भगवान् गणेशको वाहन मन्दिरमै यसरी देखिनुलाई धेरैले अनौठो र धार्मिक दृष्टिले शुभ मान्ने गरेका छन्।