विपक्षलाई पेलेर सभा चलाउन खोजेपछि प्रतिवाद गर्न बाध्य भएँ : राजेन्द्र राई

कोशी प्रदेशका प्रदेश सदस्य राजेन्द्र राईले बुधबार प्रदेश सभामा आफुले देखाएको आक्रोशपूर्ण स्वाभाविक भएको बताएका छन्। उनले बिहीबार सामाजिक सञ्जालमार्फत प्रतिपक्षलाई पेलेर सभा सञ्चालन गर्न खोजिएपछि प्रतिवादमा उत्रिन बाध्य भएको बताएका हुन्।

बुधबार नीति तथा कार्यक्रममाथिको छलफलमा सभामुखले बोल्न पर्याप्त समय नदिएपछि उनी आफ्नो सिटबाट उठेर रोष्ट्रमतर्फ दौडिएका थिए। सो क्रममा उनले माइकसमेत तानेपछि केही समय प्रदेशसभा प्रभावित भएको थियो । मर्यादा पालकले उनलाई रोक्न हम्मेहम्मे परेको दृश्य सामाजिक सञ्जालमा भाइरल बनेको छ।