‘बझाङको बाघ’ रबिन्द्र ढाँटको यूएफसी यात्राः मकाउमा इतिहास रच्ने चुनौती

काठमाडौँ । नेपाली एमएमएका उदीयमान स्टार रबिन्द्र ढाँट अहिले अन्तर्राष्ट्रिय रंगमञ्चमा नेपालको नाम चम्काउने तयारीमा छन्। ‘बझाङको बाघ’ उपनामले चिनिने ढाँट चीनको मकाउमा आयोजना हुने प्रतिष्ठित ‘रोड टु यूएफसी’ प्रतियोगितामा प्रतिस्पर्धा गर्दैछन्।

मे २८ मा हुने बान्टमवेट क्वार्टरफाइनल भिडन्तमा ढाँटले फिलिपिन्सका किम्बर्ट अलिन्टोजोनसँग प्रतिस्पर्धा गर्नेछन्। यो प्रतियोगिता एसिया–प्रशान्त क्षेत्रका उत्कृष्ट फाइटरहरूलाई यूएफसीसम्म पुग्ने अवसर दिने महत्वपूर्ण प्लेटफर्म मानिन्छ।