शुक्रबार देशभरका भन्सारमा जाँचपास बन्द हुने

काठमाडौँ । आगामी आर्थिक वर्ष २०८३/८४ को बजेट सार्वजनिक हुने दिन (जेठ १५ गते शुक्रबार) देशभरका भन्सार कार्यालयहरूमा जाँचपासको कार्य बन्द रहने भएको छ । भन्सार विभागले एक सर्कुलर जारी गर्दै मातहतका सबै भन्सार कार्यालयहरूलाई शुक्रबार यात्रु जाँचपास बाहेकका अन्य व्यापारिक मालवस्तुको जाँचपास रोक्न निर्देशन दिएको हो ।

अर्थमन्त्रीले सङ्घीय संसदमा आगामी आर्थिक वर्षको वार्षिक आय र व्ययको विवरण (बजेट) प्रस्तुत गर्ने दिन करका दरहरूमा हेरफेर हुने भएकाले विभागले यस्तो सर्कुलर गरेको हो ।