विदेश होइन गाउँमै सम्भावना : मौरीपालक किसानको अनुभूति [भिडियो]

मुगु । मुगुको छाँयानाथ रारा नगरपालिका-६ लिउडी गाउँका ४५ वर्षीय रुपबहादुर सेजुवाल ले पुर्ख्यौली पेशाका रूपमा रहेको मौरी पालनलाई व्यावसायिक बनाउँदै वार्षिक लाखौँ आम्दानी गर्न सफल भएका छन्।

उनले बुबाबाजेले परम्परागत रूपमा गर्दै आएको मौरी पालनलाई निरन्तरता दिँदै पछिल्लो समय सुधारिएको घार प्रयोगमार्फत व्यवसाय विस्तार गरेका हुन्। सरकारी निकायबाट प्राविधिक ज्ञान र आर्थिक सहयोग पाएपछि उनी यस पेशाप्रति थप उत्साहित बनेका छन्।