डीसीले सार्वजनिक गरे शङ्कर पाण्डेको गीत ‘मेरो आफ्नै संसार’

काठमाडौँ । नेपाली साङ्गीतिक क्षेत्रमा नयाँ भाव र सामाजिक सन्देश बोकेको गीत ‘मेरो आफ्नै संसार’ सार्वजनिक भएको छ । शङ्कर पाण्डे ‘मुक्ति’ ले ल्याएको गीत बिहीबार मानव सेवा आश्रममा आयोजित एक विशेष समारोहबिच चलचित्र विकास बोर्डका अध्यक्ष दिनेश डीसी, कलाकार सङ्घका अध्यक्ष उत्तम केसी लगायतले सार्वजनिक गरेका हुन् ।

गीतले जीवन, परिवार, सम्बन्ध र आफ्नोपनको भावलाई संवेदनशील ढङ्गले प्रस्तुत गरेको छ । गीतमा शब्द स्वयं मुक्ति र स्वर गायक प्रमोद खरेलको छ । सन्तोष श्रेष्ठको सङ्गीत रहेको गीतको भिडियो निर्देशक माधवराज खरेलले गरेका हुन् ।