इरानले पुनः बन्द गर्‍यो होर्मुज, शान्तिा वार्ता भाँडिने सम्भावना

तेहरान– इरानले रणनीतिक रूपमा अत्यन्त महत्वपूर्ण होर्मुज स्ट्रेट पुनः बन्द गर्ने घोषणा गरेको छ ।

लेबनानमा जारी इजरायली आक्रमण र अमेरिकाले युद्ध अन्त्यसम्बन्धी प्रतिबद्धता पूरा नगरेको आरोप लगाउँदै इरानले उक्त कदम चालेको हो ।

इरानी विदेश मन्त्रालयले अमेरिका सम्झौताप्रति पूर्ण रूपमा प्रतिबद्ध नभएसम्म अवस्था सामान्य नहुने जनाएको छ ।

यसअघि अमेरिका–इरानबीच अन्तरिम समझदारीपछि स्ट्रेट खुला गरिएको भए पनि पछिल्लो घटनाक्रमले त्यो सहमति संकटमा परेको छ ।

यसैबीच, दक्षिणी लेबनानमा इजरायली हवाई आक्रमणमा दुई बालबालिकासहित कम्तीमा १६ जनाको मृत्यु भएको छ ।

इजरायलले हिजबुल्लाहको क्षेप्यास्त्र आक्रमणको जवाफस्वरूप कारबाही गरेको दाबी गरेको छ भने हिजबुल्लाहले इजरायलमाथि युद्धविराम उल्लंघन गरेको आरोप लगाएको छ ।

विश्वव्यापी तेल आपूर्तिको प्रमुख मार्ग मानिने होर्मुज स्ट्रेट बन्द हुँदा अन्तर्राष्ट्रिय ऊर्जा बजारमा गम्भीर असर पर्ने चिन्ता बढेको छ ।

प्रतिक्रिया दिनुहोस्