पहिलो हाफमा ट्युनिसियाविरुद्ध जापानलाई अग्रता

काठमाडौं । फिफा विश्वकप २०२६ फुटबलको समुह एफमा ट्युनिसियाविरुद्ध जापानले पहिलो हाफमा अग्रता लिएको छ ।

मेक्सिकोको ग्वाडालुपेस्थित एस्तादियो बीबीभिएमा जारी खेलमा पहिलो हाफमा जापान २–० ले अघि रहन् सफल भएको हो ।

जापानका लागि दाइची कामाडा र आयासे उएडाले गोल गरे । पहिलो गोलका लागि जापानले उत्कृष्ट समन्वय गर्दै दायाँबाट बायाँतर्फ सुन्दर आक्रमण बुनेको थियो। त्यसपछि केइतो नाकामुराले तीव्र क्रस फिर्ता पास दिए, जसलाई मिडफिल्डर दाइची कामाडाले नजिकबाट गोलमा परिणत गर्दै टिमलाई अग्रता दिलाए ।

दोस्रो गोलको क्रममा स्ट्राइकर आयासे उएडालाई ट्युनिसियाको पेनाल्टी क्षेत्रको कर्नरसम्म बल लिएर जान पर्याप्त ठाउँ दिइयो, जहाँ ट्युनिसियाली डिफेन्डरुहरू पछाडि हटेका थिए। त्यसपछि फेयेनोर्डका खेलाडी उएडाले सेन्टर–ब्याक मोन्तास्सार ताल्बीको खुट्टाबीचबाट उत्कृष्ट प्रहार गर्दै बललाई फार कर्नरमा गोलमा परिणत गरे।